Ռուսական «Սու-34» ռմբակոծիչները հագեցվել են հետախուզական նոր համակարգերով          Ըստ ԱՄՆ-ի՝ Իսրայելը մասնակցություն է ունեցել Իրանի միջուկային օբյեկտում տեղի ունեցած վթարին       Ձվարանի քաղցկեղի նախանշանները.շատ ագրեսիվ, արագ է ներգործում    

07 ապր 2021 17:36

Դեղամիջոցների եվրոպական գործակալությունը հայտնել է AstraZeneca պատվաստանյութի եւ թրոմբների առաջացման միջեւ կապի մասին

Դեղամիջոցների եվրոպական գործակալության (EMA) դեպարտամենտի ղեկավարը հայտնել է, որ կարգավորողն առաջիկա ժամերին պաշտոնապես կհայտարարի AstraZeneca պատվաստանյութի եւ թրոմբների առաջացման միջեւ կապի առկայության մասին:

«Հիմա ավելի դժվար է խոսել AstraZeneca պատվաստանյութի եւ թրոմբոզների եզակի դեպքերի միջեւ պատճառահետեւանքային կապի բացակայության մասին: Դա ակներեւորեն գոյություն ունի»,- ЕМА-ի ներկայացուցչի խոսքն է մեջբերել Le Figaro պարբերականը:

Իտալիայի առողջապահության փոխնախարար Պիեռպաոլո Սիլերին հայտնել է, որ եվրոպական կարգավորողը կարող է որոշակի տարիքային կարգերի համար պատվաստանյութի կիրառման սահմանափակումներ մտցնել, փոխանցում է Medportal.ru-ն: Նրա խոսքով, սակայն, առայժմ նման դեպքերը միլիոնավոր պատվաստվածների շրջանում շատ քիչ են, եւ պատվաստման ռիսկի ու օգուտի հարաբերակցությունը շարունակում է մնալ դրական:

Հիշեցնենք, որ Եվրոպայի մի շարք երկրներ ժամանակավորապես կասեցրել են բրիտանա-շվեդական AstraZeneca ընկերության դեղամիջոցով պատվաստումները՝ պատվաստվածների մոտ թրոմբոէմբոլիայի հնարավոր բարդությունների մասին մի շարք տեղեկություններից հետո: Առաջին տեղեկությունները ստացվել էին Ավստրիայից, որտեղ պացինետներից մեկը մահացել էր պատվաստվելուց հետո 10 օր անց, իսկ մյուսը շտապ հոսպիտալացվել էր թոքային զարկերակի թրոմբոէմբոլիայով:

Հետաքննություն անցկացնելուց հետո ЕМА-ն հայտարարել էր, որ պատվաստանյութն անվտանգ է ու արդյունավետ, իսկ դրա օգտագործման առավելությունները գերազանցում են ռիսկերը: Ինքը՝ AstraZeneca-ն թարմացրել էր կորոնավիրուսի դեմ պատվաստանյութի կիրառման հրահանգներում նշված տեղեկությունը՝ նշելով պոտենցիալ բարդությունների մասին: Մարտի 18-ին Մեծ Բրիտանիայի Դեղամիջոցների եւ բժշկական նշանակության արտադրանքի վերահսկման վարչությունը (MHRA) հերքել էր այն տեղեկությունը, որ պատվաստանյութն այդպիսի ռեակցիա է առաջացրել՝ նշելով, որ առաջատար փորձագետները այդ կապի ոչ մի ապացույց չեն գտել:

Առողջապահության համաշխարհային կազմակերպությունն իր հերթին հայտարարել էր AstraZeneca դեղամիջոցով պատվաստումը շարունակելու անհրաժեշտության մասին՝ նշելով, որ հանկարծակի թրոմբոէմբոլիան աշխարհում ամենատարածված սիրտ-անոթային հիվանդություններից մեկն է:

Մեկնաբանություններ

Համընկնող լուրեր