Սպասվում է ամպրոպ, անձրև ու քամու ուժգնացում          ՌԴ-ում միգրանտների համար, որոնք պատրաստվում են ապրել եւ աշխատել այնտեղ, օգոստոսի 1-ից գործողության մեջ է մտնում նոր դրույթ       Տեսանյութ.Ադրբեջանցի ընդդիմադիր բլոգերին մահացած են գտել Թբիլիսիում,չեն բացառում, որ նրա մահը բխում է Ադրբեջանի կառավարության շահերից    

10 սեպ 2018 18:15

Հայաստանի հումանիտար առաքելության առնչությամբ վտանգներ տեսնում են. Արամ Սարգսյան. տեսանյութ

ԱԺ «Ելք» խմբակցության պատգամավոր Արամ Սարգսյանը Սիրիայում Հայաստանի հումանիտար առաքելության առնչությամբ վտանգներ տեսնում է, սակայն այդ վտանգը մեծ չի համարում։ Այս մասին նա հայտարարեց այսօր՝ սեպտեմբերի 10-ին լրագրողների հետ զրույցում։
Պատասխանելով հարցին, թե կա արդյոք վտանգ ԱՄՆ պատժամիջոցների տակ հայտնվելու, Արամ Սարգսյանն կարծիք հայտնեց, որ դժվար թե պատժամիջոց կիրառվի։
«Վտանգ ես էլ եմ տեսնում այդ առումով, սակայն կարծում եմ՝ այդ վտանգն այդ չափի ռիսկային չի, քանի որ սակրավորի մասնագիտությունը բժշկի մասնագիտությանը հավասարեցված է, այսինքն հումանիզմին ուղղված քայլ է, որ մարդիկ տարածքը ազատում են նախկինում դրված պայթուցիկ նյութերից, ուստի կարծում եմ դրա համար դժվար թե պատժամիջոց կիրառվի»,–նշեց նա։
Ավելի վաղ ՀՀ վարչապետ Նիկոլ փաշինյանը մանրամասնել է առաքելության կազմը, մասնավորապես, ասելով. «Պաշտպանության նախարարության մասնագետների խումբը Սիրիայում գործելու է Հայաստանի Հանրապետության դրոշի ներքո: Գործողությունը լինելու է հումանիտար: Խոսքը բժիշկների եւ հումանիտար ականազերծման մասնագետների մասին է, ովքեր հումանիտար առաքելություն են իրականացնելու՝ ի աջակցություն հայ համայնքի»,–նշել է Փաշինյանը։


Մեկնաբանություններ

Համընկնող լուրեր