Ինչպես կարող են Երևանի իշխանություններն իրենց երկիրն անվտանգ համարել, երբ նրա տարածքի որոշ հատվածներ արդեն օկուպացված են ադրբեջանցիների կողմից          Գեղարքունիքի մարզում հայրը կասկածվում է իր անչափահաս դստերը հաճախակի ծեծի ենթարկելու մեջ և փորձել է սեռական հարաբերություն ունենալ նրա հետ       Պարզվել է վանաձորցի 20-ամյա հղի կնոջ մահվան պատճառը    

17 սեպ 2018 12:20

Շանթը դեմ կանգնեց ռեժիմին և դա արեց նաև Նիկոլ Փաշինյանը.Հեղափոխությունը նաև Շանթի շնորհիվ է

Շանթը դեմ կանգնեց ռեժիմին և դա արեց նաև Նիկոլ Փաշինյանը.Հեղափոխությունը նաև Շանթի շնորհիվ է «Շանթ Հարությունյանը հավատացած էր, որ հեղափոխությունից հետո երկրում իրավիճակ է փոխվելու: Նա ամիսներ շարունակ սպասում էր և այդ պատճառով ինձ հասկանալի է ՔԿՀ-ում նրա հայտարարությունների իմաստը»,-Primenews.am-ի թղթակցի հետ զրույցում ասաց Արցախի Հանրապետության ռազմական և քաղաքական գործիչ, Մարտական խաչի ասպետ ՎահանԲադասյանը: Վահան Բադասյանի խոսքով` Փաշինյանի ներկայիս գործելաոճը հեղափոխության շահերից չի բխում, որովհետև վարչապետի պաշտոնը ստանձնելուց հետո Փաշինյանը պետք է բացեր բանտերի դռները և ազատ արձակեր քաղբանտարկյալներին.«Նրանց, ովքեր այս կամ այն ճանապարհով նպաստել էին, որ կատարվեր հեղափոխությունը»: Քաղաքական գործիչը ընդգծում է, որ հեղափոխության հետևում կանգնած է հայ ժողովուրդը , մինչդեռ Փաշինյանը և նրա  կողքին կանգնած երիտասարդները այլ կերպ են մեկնաբանում.«Ցավն այն է, որ թվում է, թե հեղափոխությունը իրենք են կատարել` մի խումբ երիտասարդների հետ: Այո, նրանք գլխավորել են և դրա համար` փառք նրանց: Նրանք կորդինացրել են իրավիճակը, բայց հեղափոխությունը մի օրում չի կատարվել: Հայ ժողովրդի կուտակված էներգիան և ցասումն է պայթել, որը եկավ 1996 թվականից ու առավել ուժգնացավ մարտի 1-ից հետո: Տարեց մարդիկ կհիշեն և կփաստեն, թե ինչպես է առաջին նախագահը ավզակապետությամբ թալանել երկիրը` վաճառելով գործարանները մարդկանց թողնելով առանց աշխատանքի: Պատերազմ էր, սով, մութ ու ցուրտ…ու երկիրը թալանվեց»,-նկատում է Վահան Բադասյանը:
Բադասյանը կոչ է անում` չմոռանալ «Սասնա ծռերի» և Շանթի ապստամբությունները, քանի որ սրանք հեղափոխության հիմնական դետալներ են.«Շանթը դեմ կանգնեց ռեժիմին և դա արեց նաև Նիկոլ Փաշինյանը: Նիկոլ Փաշինյանը, սակայն չի առաջնորդվում հեղափոխության կանոններով: Նա հեղափոխությունը վերածեց իշխանափոխության: Իմ քննադատական խոսքին զուգահետ նշեմ, որ եղել եմ Փաշինյանի կողքին  և շարունակելու եմ սատարել նրան, սակայն նկատառումներս ցանկանում եմ լսելի դարձնել: Շանթ Հարությունյանը պետք է օր առաջ ազատ արձակվի...»,-եզրափակեց Վահան Բադասյանը:

Մեկնաբանություններ


Համընկնող լուրեր