Վճռի կայացումից հետո սպանության մեջ մեղավոր ճանաչված Սենիկ Նարոյանին գտել են կախված
Հայաստանի քաղաքացի Սենիկ Նարոյանին, որը մեղադրվում էր շրջափակված Լենինգրադի 93-ամյա բնակչուհու սպանության մեջ, մեռած են գտվել Սանկտ Պետերբուրգի քաղաքային դատարանի պահակային շինությունում, ատենակալների վճռի կայացումից հետո։ Այս մասին հինգշաբթի «Ինտերֆաքսին» տեղեկացրել են քաղաքի դատարանների միավորված մամուլի ծառայությունում։«Դատավճիռը հրապարակվել է նախօրեին, ժամը 18.00-ին, ինչից հետո Նարոյանին ուղեկցել են Սանկտ Պետերբուրգի քաղաքային դատարանի պահակային շինություն։ Մի քանի ժամ հետո հայտնի է դարձել, որ Նարոյանին գտել են կախված»,- ասել է գործակալության զրուցակիցը։
Դատարանների պահակային շինությունները գտնվում են ոստիկանության տիրույթում, նշել է զրուցակիցը։
Ինչպես տեղեկացվել է, չորեքշաբթի ատենակալները կայացրել են մեղադրական դատավճիռ Հայաստանի երկու քաղաքացինեի եւ Պետերբուրգի մեկ քաղաքացուհու հանդեպ 93-ամյա Նինա Մացինայի սպանության գործով, որն աշխատում էր Մարիինյան թատրոնում։
Սենիկ Նարոյանը, Ռազմիկ Հակոբյանը եւ Գալինա Հուսեյնովան ձերբակալվել են 2017 թվականի դեկտեմբերին։ Քննության վարկածով՝ Հուսեյնովան մի քանի ամիս խնամել է թոշակառու կնոջը, որը երկրորդ կարգի հաշմանդամ էր, եւ որոշել է սպանել նրան շահադիտական նկատառումներով։ Մտածածն իրականացնելու համար նա ներգրավել է ծանոթներին՝ Նարոյանին ու Հակոբյանին։
Սպանությունը կատարվել է 2018 թվականի նոյեմբերի 20-ին Վարշավյան փողոցի բնակարանում։ Հուսեյնովան բացել է բնակարանի դուռը Նավոյանի առջեւ, որը խեղդել է տարեց կնոջը։ Նրանց հանցակից Հակոբյանը հետեւել է շրջապատի իրադրությանը։ Դրանից հետո նրանք խուզարկել են բնակարանը, վերցրել սպանվածի բանկային քարտն ու հայտնի երգչի լուսանկարն ինքնագրով։ Փողերը քարտից հանել չի հաջողվել. նրանք գաղտնաբառը չգիտեին։
Սպանված 93-ամյա Մացինան վերապրել է Լենինգրադի շրջափակումը Հայրենական մեծ պատերազմի ժամանակ։ Նա Մարիինյան թատրոնի հնագույն աշխատակցուհին էր, աշխատել է նրա գրադարանի երաժշտական ֆոնդերի բաժնում։
.jpg)
