Հայաստանում կորոնավիրուսով վարակվածների թիվը ավելացել է 239-ով. 3 պացիենտ մահացել է
Հայաստանում մայիսի 16-ին՝ ժամը 11:00-ի դրությամբ նոր կորոնավիրուսով վարակվելու 239 նոր դեպք է գրանցվել: Այս մասին հայտնում է ՀՀ ԱՆ հիվանդությունների եւ վերահսկման եւ կանխարգելման ազգային կենտրոնը:Ընդհանուր առմամբ՝ մայիսի 15-ին հաստատվել է կորոնավիրուսի 4228 դեպք:
Ընդհանուր թեստերի թիվը կազմում է 39005 (վերջին մեկ օրում՝ 1529): Փաստացի այս պահին բուժվում է 2415 անձ (մեկ օրում ավելացել է 111-ով):
Վերջին տվյալներով ապաքինվել է 1791 անձ (վերջին մեկ օրում՝ 125 մարդ), 53 պացիենտ մահացել է (ավելացել է 3-ով):
«Մահվան դեպքերի վերաբերյալ հայտնում ենք, որ պացիենտները եղել են 71 (տղամարդ), 60 (տղամարդ), 46 (կին) տարեկան և ունեցել են ուղեկցող խրոնիկական հիվանդություններ»,- գրված է նախարարության ֆեյսբուքյան էջում:
