Տեսանյութ. Թուրքիան ուզում է տետ ա տետ խոսել Հայաստանի հետ, ինչը մեզ էլ ձեռնտու է, միջնորդի կարիք չկա          Վահեն կա՛մ գերի է ընկել, կա՛մ սպանված է       Ռուսաստանի հայերի միությունը ոստիկաննների միջոցով չեղարկել է «Գարեգին Նժդեհ» ֆիլմի ցուցադրությունը    

18 հուլ 2020 10:37

Թանկյանը հետևորդներ ունեցող անհատ է, և իր խոսքը հաստատ կհասնի Ադրբեջան .«Հրապարակ»

«Հրապարակ» թերթը գրում է. «Որքանո՞վ եք հնարավոր համարում գունավոր հեղափոխությունն Ադրբեջանում՝ հարցրինք «Իմ քայլի» պատգամավոր Տաթև Հայրապետյանին։ «Այս պահին նման բան հնարավոր չեմ համարում՝ ամեն ինչ կախված է, թե ինչպես կընթանան զարգացումները հայ-ադրբեջանական սահմանին, դրանից էլ կախված` որքանով կսրվի Ադրբեջանում ներքաղաքական, ներկլանային պայքարը։ Ալիևը ճնշել է ցանկացած այլընտրանքային դրսևորում, կարծիք՝ հասկանալով, որ դա խիստ ռիսկային է իր իշխանության համար, ընդ որում՝ Ադրբեջան պետության սպեցիֆիկան հաշվի առնելով։ Պետք է նաև ասել, որ նման շրջադարձերի դեպքում հնարավոր է այնտեղ իշխանության գան առավել ծայրահեղական-ազգայնական, նույնիսկ` իսլամական ուժեր»:
Ո՞ւմ նկատի ունեք։ «Նկատի ունեմ այն իսլամական ուժերին, որոնց Ալիևը պարբերաբար ճնշման է ենթարկում` ահաբեկչական խմբեր անվան տակ»: Այնուհանդերձ, նման ուժեր այս պահին կարծես չկան։ «Այդ դեմքերը հիմնականում բանտարկված են, բայց եթե իրար գլխի հավաքվեն, բողոքական կրիտիկական մասսա ունենան, նման մարդիկ կհայտնվեն»:
Այնտեղ սորոսականներ չկա՞ն։ «Չգիտեմ, թե սորոսական ասելով ինչ նկատի ունեք»: Դե, գլոբալիստներ, «Բաց հասարակության» հիմնադրամի ներկայացուցիչներ, քաղակտիվիստներ։ «Ադրբեջանն ազատ խոսքի, մարդու իրավունքների և այլ նմանատիպ միջազգային կառույցների գործունեությունը խիստ սահմանափակել է իր տարածքում, որովհետև բռնապետական ռեժիմ է»:
Սերժ Թանկյանն ասել է` ժամանակն է Ադրբեջանում ևս թավշյա հեղափոխություն անել։ «Չեմ ուզում մեկնաբանել Սերժ Թանկյանին. դա իր անհատական կարծիքն է»: Բայց Թանկյանը «կարծել» էր, և Հայաստանում տեղի ունեցավ հեղափոխություն։ «Ես հասկանում եմ Սերժ Թանկյանի միջազգային ռակուրսն ու նպատակը, բայց, միևնույն է, չեմ մեկնաբանի»: Նա այդքան հայտնի ու գլոբալ խաղացո՞ղ է։ «Առնվազն բազմաթիվ հետևորդներ ունեցող անհատ է, և իր խոսքը հաստատ կհասնի Ադրբեջան»»:


Մեկնաբանություններ

Համընկնող լուրեր