Ռուսական «Սու-34» ռմբակոծիչները հագեցվել են հետախուզական նոր համակարգերով          Ըստ ԱՄՆ-ի՝ Իսրայելը մասնակցություն է ունեցել Իրանի միջուկային օբյեկտում տեղի ունեցած վթարին       Ձվարանի քաղցկեղի նախանշանները.շատ ագրեսիվ, արագ է ներգործում    

07 դեկ 2020 10:59

ԱՄՆ-ում չեղարկել են վտանգավոր հակահայկական, հակառուսական տարրեր պարունակող բանաձևը

Ամերիկյան հետազոտությունների հայկական կենտրոնի տնօրեն Սուրեն Սարգսյանը Sputnik Արմենիայի եթերում մանրամասներ է ներկայացրել ԱՄՆ  կոնգրեսի ներկայացուցիչների պալատի օրակարգից ամենահակահայկական բանաձևի դուրս բերման մասին:
Վաշինգտոնում գրանցված միակ լոբբիստական կազմակերպության՝ ԱՄՆ հայ դատի գրասենյակի և հայ համայնքի ակտիվ աշխատանքի արդյունքում Կոնգրեսի ներկայացուցիչների պալատի օրակարգից հանվել է ամենահակահայկական բանաձևը: Տեղեկությունը Sputnik Արմենիայի հետ զրույցում հայտնեց միջազգայնագետ Սուրեն Սարգսյանը: Խոսքը պաշտպանության ոլորտի հատկացումների վերաբերյալ 2021 թվականի օրենքի նախագծի մասին է, որում ադրբեջանա-թուրքական լոբբինգի ակտիվ աշխատանքի հետևանքով տեղ էին գտել մի շարք հակահայկական ձևակերպումներ:
«Շուրջ 6 ամիս առաջ ես ներկայացրել էի, որ սա բավականին վտանգավոր ձևակերպում է, և մեր լոբբիստական կառույցները, մասնավորապես Վաշինգտոնում գործող Հայ դատի գրասենյակը ակտիվ սկսեցին աշխատել այդ ուղղությամբ, որպեսզի օրենքի նախագծից այդ հոդվածը հանեն»,- ասաց նա:

Սարգսյանի խոսքով՝ օրենքում տեղ գտած հոդվածը ներառում էր ոչ միայն հակահայկական, այլև հակառուսական տարրեր: Այդպիսով հավասարության նշան էր դրվում Լեռնային Ղարաբաղի և Աբխազիայի, Օսեթիայի, Ղրիմի կոնֆլիկտների միջև, ինչն անընդունելի էր։

«Նույն հարթության վրա էր դրվում Մոլդովայում, Վրաստանում, Ուկրաինայում և Ադրբեջանում տեղի ունեցող իրադարձությունները, մասնավորապես, տարածքային ամբողջականության խնդիրը և, ըստ էության, տարբեր ծագում ունեցող այս կոնֆլիկտները փորձ էր արվում միավորել մեկ ամբողջության մեջ և դրանով պաշտպանել այս պետությունների տարածքային ամբողջականությունը: Եթե Ադրբեջանի դեպքում խոսքը ԼՂ մասին է, ապա մնացած երեք կոնֆլիկտներում դա ուղղված էր Ռուսաստանի Դաշնության դեմ»,- նշեց միջազգայնագետը:
Այս կարևոր հոդվածի չեղարկման գործում, ըստ Սարգսյանի, Հայաստանի իշխանությունները որևէ ներդրում չունեն: Հակահայկական բանաձևի բացակայությամբ օրենքի նախագիծն արդեն ընդունվել է, շուտով այն կուղարկվի վերջնական վավերացման:

Մեկնաբանություններ

Համընկնող լուրեր