Տեսանյութ.Իրավիճակի թեժացման մեծ ռիսկեր կան ցանկացած պահի.Դեմ դիմաց կանգնած են Արցախի և Ադրբեջանի Զինված Ուժերի ստորաբաժանումները
Մեզ մոտ առկա են անվտանգային խնդիրները, որոնք մի կողմից պատճառա-հետևանքային կապ են 2020 թվականի սեպտեմբերի-նոյեմբերի մարտական գործողությունների, ինչպես նաև ինչ-որ չափով արդյունք են 2018 թվականի իրադարձությունների: Այս մասին «Պատիվ ունեմ» դաշինքի կազմակերպած «ՀՀ և Արցախի անվտանգության միջավայրը հետպատերազմական ժամանակաշրջանում» թեմայով քննարկման ժամանակ ասել է Արցախի նախագահի նախկին օգնական, փորձագետ Տիգրան Աբրահամյանը:Նա արձանագրեց, որ հետպատերազմյան ամիսների ընթացքում աշխատանքները, որոնք պետք է ուղղված լինեին առաջնահերթությունների սահմանմանը, մեծ առումով չեն իրականացվել:
«Վերջին օրերին Հայաստանի սահմաններում տեղի ունեցող իրադարձությունները այս բոլոր պատճառների հետևանքն են: Սա է նաև պատճառ դարձել, որ Ադրբեջանը փորձում է դիվանագիտական հարթությունում նոր առավելություններ ստանալ»,-շեշտեց Աբրահամյանը:
Փորձագետը նշեց, որ Արցախում ստեղծված իրավիճակը, Հայաստանում ծավալվող իրադարձությունների ֆոնին կարծես թե երկրորդ պլան է մղվել և կան խնդիրներ, որոնք պետք է լուծում ստանային Հայաստանի աջակցությամբ, սակայն նրանք տեղի չեն ունենում:
«Առաջինը` դա անվտանգային բնույթի խնդիրնեն են, քանի որ մենք սահմանային առումով, մարտական հերթապահության կրման առումով խնդիրներ ունենք Արցախի և Հայաստանի որոշ հատվածներում:Քանի որ Հայաստանից Արցախ զորակոչի դադարեցման պայմաններում որևէ այլընտրանք չի առաջարկվել: Այսօր Արցախում այս բոլոր պրողեսները տեղի են ունենում ներքին ռեսուրսներով և պայամանագրային անձնակազմի ընդլայնումով: Սակայն այս ամենը բավարար չէ և առանց Հայաստանի գործուն աջակցության, անհնար է հասնելու անվտանգային այն երաշխիքներին, որոնք հնարավորություն են տալիս ապահովել Արցախում մեր բնակվող հայրենակիցների անվտանգությունը:
Իհարկե, Արցախում տեղակայված ռուս սահմանապահները, իրենց խնդիրները իրականացնում են, սակայն, չեն կարող մեզ հետ պահել Հայաստանում և Արցախում մարտունակ Զինված Ուժերի առկահությունից և ցանկացած խնդիր լուծելու համար պետք է առանցքային նշանակություն ունենա հայկական ԶՈԻ-ն, որը ապահելու է ՀՀ անվտանգությունը»,- շեշտեց Աբրահամյանը:
Նա նաև նկատեց, որ բանակում անհրաժեշտ է իրականացնել իրական փոփոխություններ:
«Այժմ Արցախում սահմանագծին դեմ դիմաց կանգնած են Արցախի Պաշտպանության բանակի և Ադրբեջանի Զինված Ուժերի ստորաբաժանումները: Եվ այս պարագայում տարաբնույթ սադրանքների հավանականությունը մեծանում է: Վերջին ժամանակում Արցախում ադրբեջանցիների ակտիվացումը քիչ նկատելի է դառնում, սակայն այս ամենը պետք է քննարկվի:
Նաև ուզում եմ նշել, որ Սյունիքում անվտանգային տեսանկյունից ծանր իրավիճակ է: Ավտոճանապարների մի շարք հատվածներ գտնվում են ադրբեջանական դիտակետերի մատույցներում, այս հատվածներում մենք լուրջ աշխատանքներ չենք կատարել, սակայն Ադրբեջանը բարելավել է իր ճանապարհները, կոմունիկացիաները և այլն: Եվ մոտակա ժամանակներում Ադրբեջանը փորձելու է մեծացնել վերահսկողությունը Հայաստանի կոմունիկացիաների, մարտավարական և ռազմավարական նշանակության տարբեր օբյեկնտների նշանակության նկատմամբ»,- եզրափակեց Աբրահամյանը:
