ԱՄՆ-ն լրտեսել է Զելենսկուն. CNN
ԱՄՆ-ն լրտեսել է Ուկրաինայի նախագահ Վլադիմիր Զելենսկիին։ Այս մասին, Риа-ի փոխանցմամբ, հաղորդում է CNN-ը՝ վկայակոչելով Պենտագոնի գաղտնի փաստաթղթերը, որոնք հայտնվել են համացանցում։«Մի փաստաթուղթ ցույց է տալիս, որ ԱՄՆ-ը լրտեսում է Զելենսկիին», - նշել է հեռուստաալիքը։
Ուկրաինայի ղեկավարին մոտ կանգնած աղբյուրը CNN-ին ասել է, որ ինքը զարմացած չէ այս իրավիճակից և այն անվանել է «սպասված»։ Նշվում է, որ ուկրաինացի պաշտոնյաները խորապես հիասթափված են արտահոսքից։
Ըստ հեռուստաալիքի՝ ամերիկյան հետախուզության զեկույցում ասվում է, որ Զելենսկին փետրվարի վերջին «առաջարկել է հարվածել Ռոստովի մարզում ռուսական զորքերի տեղակայման վայրերին»՝ օգտագործելով անօդաչու թռչող սարքեր, քանի որ Ուկրաինան չունի հեռահար զենքեր, որոնք կարող են հասնել նման նպատակներին։
Ըստ CNN-ի՝ ստացված հետախուզական տվյալները կարող են բացատրել ԱՄՆ-ի հրապարակային դժկամությունը Ուկրաինային հեռահար զենք տրամադրելու վերաբերյալ՝ մտավախություն ունենալով, որ Կիևը դրանք կօգտագործի Ռուսաստանի ներսում գտնվող թիրախներին հարվածելու համար:
