Կալանավորելով Պավել Դուրովին, ցույց տվեցին, որ Telegram-ը հուսալի մեսենջեր է տեղեկատվական անվտանգության առումով
Ֆրանսիայի իշխանությունները, կալանավորելով Telegram-ի հիմնադիր Պավել Դուրովին, ցույց տվեցին, որ Telegram-ը հուսալի մեսենջեր է տեղեկատվական անվտանգության առումով։ Այս մասին հայտարարել է ՌԴ արտգործնախարար Սերգեյ Լավրովը։«Ինչ վերաբերում է այս հարթակի օգտագործմանը, այն շատ հարմար է, այն իսկապես պաշտպանված է, համենայն դեպս, եթե կասկածներ կային, հիմա, երբ Դուրովին ակնհայտորեն տարել են ինչ-որ մեկի խորհրդով և սպառնացել սարսափելի պատժով, ըստ երևույթին, ակնկալելով մուտք ունենալ գաղտնագրման կոդերին, հիմա արդեն ֆրանսիացիների գործողություններով ապացուցվել է, որ Telegram-ն իսկապես հուսալի և հանրաճանաչ ցանց է»,- ասել է Լավրովը՝ պատասխանելով Ռուսաստանի դիվանագիտական գերատեսչության կողմից Telegram-ի հետագա օգտագործման մասին հարցին։
