Այլ երկրներում Հայաստանի որոշ դեսպաններ հետ կկանչվեն. ՀՀ վարչապետ
Առաջիկայում կլինեն այլ երկրներում Հայաստանի դեսպաններ, ովքեր հետ կկանչվեն: Ազգային ժողովում լրագրողների հետ զրույցում այս մասին ասաց ՀՀ վարչապետ Նիկոլ Փաշինյանը:«Սա ոչ թե նրանց աշխատանքից դժգոհության, այլ սկզբունքի հարց է: Ես մի անգամ ասել եմ, որ ոչ կադրային դիվանագետներին քաղաքական նպատակահարմարության համար դեսպան նշանակելու պրակտիկան պետք է լրջորեն վերանայվի»,- ասաց Փաշինյանը:
Հարցին՝ Միքայել Մինասյանը մտնո՞ւմ է այն դեսպանների մեջ, ովքեր հետ են կանչվելու, Նիկոլ Փաշինյանը պատասխանեց. «Խոսքն անձերի մասին չէ, խոսքը սկզբունքների մասին է»:
