Անկախ նրանից՝ ՀՀ-ն ուզում է Նախիջեւանի հետ կապը հաստատվի, թե ոչ, դա կլինի, սա շանս է իր համար          Արցախի ԱԽ գրասենյակը հայտնել է, թե ինչու է Բալասանյանը ՌԴ խաղաղապահների և Ադրբեջանի ներկայացուցիչների հետ այցելել Բերձոր       Oդի ջերմաստիճանը կհասնի +42 աստիճանի. Իրաքի շրջաններից արևադարձային տաք օդային հոսանքներ են ներթափանցում    

19 հուլ 2018 19:39

Կրծքագեղձի քաղցկեղից խուսափելու նոր միջոց է հայտնաբերվել

Կրծքագեղձի քաղցկեղից խուսափելու նոր միջոց է հայտնաբերվելԲարսելոնայի Գլոբալ առողջության ինստիտուտի գիտնականները եկել են այն եզրակացության, որ մեծ ընդմիջումը վերջին ուտելու և քնի միջև նվազեցնում է կրծքագեղձի քաղցկեղի և շագանակագեղձի քաղցկեղի առաջացման հավանականությունը։
Համապատասխան հոդվածը հրապարակվել է International Journal of Cancer ամսագրում։
Մասնագետները շագանակագեղձի քաղցկեղով հիվանդության 621 և կրծքագեղձի քաղցկեղի 1205 դեպք են վերլուծել։ Հետազոտության մասնակիցների շրջանում հարցում է անցկացվել, որի ընթացքում նրանք հաղորդել են քնի և սնունդ ընդունելու ժամերի մասին։
Պարզվել է, որ նրանց մոտ, ովքեր ընթրիքից հետո երկու ժամ անց են քնել, չարորակ ուռուցքների զարգացման հավանականությունը կրճատվել է 20 տոկոսով, նրանց համեմատ, ովքեր քնել էին ուտելուց անմիջապես հետո։
Մասնագետները գտնում են, որ գլխավոր դերն այդտեղ խաղում են մարդու կենսառիթմերը։ Հետազոտողների խոսքերով՝ եթե ստացված արդյունքները հաստատվեն նաև այլ գիտնականների կողմից, դա կօգնի քաղցկեղի կանխարգելման նոր առաջարկներ անելու հարցում։


Մեկնաբանություններ


Համընկնող լուրեր