Իշխանությանն անհանգստացրել է Արցախի նախագահի բաց խոսելը ՝ ՀՀ տարածքների նկատմամբ ադրբեջանական օկուպացիայի և տարածքային պահանջատիրության մասին          Տեսանյութ. Գյուղից մի փոքր աջ գազատարն է, որը ևս անցնում է ադրբեջանցիներին.Երևան-Նոյեմբերյան միջպետական ճանապարհը կարող է մնալ ադրբեջանցիների տոտալ վերահսկողության տակ       Պուտինն առանց ջանք խնայելու բանակցել է, որպեսզի դադարեցնի պատերազմը. ՀՀ ղեկավարությունը սկսում է արտահայտել այն մտքերը, որոնցով Փաշինյանը ստեղծել էր իր «Ելք» շարժումը    

21 օգոս 2020 14:15

Եթե որևէ կողմ անցնի կարմիր գիծը, ապա շատ արագ այդ լարվածությունը կվերածվի ռազմական գործողությունների

«Եթե որևէ կողմ անցնի կարմիր գիծը, ապա շատ արագ այդ լարվածությունը կվերածվի ռազմական գործողությունների»,- մամուլի ասուլիսում հայտարարեց ԳԱԱ ակադեմիկոս, Արևելագիտության ինստիտուտի տնօրեն Ռուբեն Սաֆրաստյանը՝ անդրադառնալով Միջերկրական ծովում Հունաստանի և Թուրքիայի լարված հարաբերություններին: Ըստ բանախոսի, կարմիր գիծը  կապված է Կրետե կղզու հետ, եթե թուրքական նավերը չափից շատ մոտենան կղզուն, ապա այն կնշանակի ռազմական գործողությունների սկիզբ:


Ակադեմիկոսի խոսքով, լարվածության պատճառը ծովի հատակում առկա էներգակիրների մեծ պաշարներին տիրանալու ձգտումն է: Այդ գործընթացներում ներգրավված են Թուրքիան, Հունաստանը, Կիպրոսը, Եգիպտոսը, Իսրայելը, Լիբիան: Խնդրի վերաբերյալ հետաքրքրություն են ցուցաբերում նաև Ֆրանսիան, Իտալիան, ԱՄՆ-ը, ՆԱՏՕ-ն և ԵՄ-ն: Սաֆրաստյանը համոզված է, որ Լիբիայում նույնպես պայքար է գնում էներգակիրների համար, որտեղ կրկին ակտիվ է Թուրքիան:


Սաֆրաստյանի դիտարկմամբ, Թուրքիան միտումնավոր սադրում է Հունաստանին և Կիպրոսին: Որպես փաստարկ նա բերեց 2010 թվականին Թուրքիայի ռազմածովային ուժերի բարձրաստիճան սպաների կողմից պատրաստած գաղտնի փաստաթղթի բացահայտման դեպքը: Այդ փաստաթղթով նախատեսվում էր այն ծրագիրը, որը, ըստ բանախոսի, հիմա իրականացնում է Թուրքիան՝ չնայած դրա առնչությամբ դատական գործ էր հարուցվել և սպաներին մեղադրել էին առանց ԶՈՒ ղեկավարության նման փաստաթուղթ ստեղծելու մեջ: Ակադեմիկոսը հայտնեց, որ այդ փաստաթղթի համաձայն՝ Թուրքիան պետք է քաղաքացիական ուժեր օգտագործեր հունական կողմին սադրելու համար, նաև՝ Հունաստանի ջրային տարածքներ ձկնորսներ ուղարկելով, ինչը և ներկայում անում է: 


Դիտարկելով խնդիրը՝ Ռուբեն Սաֆրաստյանը նկատեց, որ նախօրեին Էմանուել Մակրոնը և Անգելա Մերկելը հայտարարեցին, որ պաշտպանում են ԵՄ անդամ պետություններին (Հունաստանին և Կիպրոսին): Ըստ Սաֆրաստյանի, Թուրքիային քննադատում է նաև ԱՄՆ-ը, որն այս տարածաշրջանում արդեն  տեղակայել է խոշոր ռազմանավ և օդուժ:


Արևելագիտության ինստիտուտի տնօրենը գտնում է, որ Թուրքիայի գործողությունները չի պաշտպանում նաև ՆԱՏՕ-ն՝ չնայած ֆրանսիական և թուրքական ռազմանավերի միջև տեղի ունեցած միջադեպի ժամանակ վերջինս չքննադատեց Թուրքիային, որը դրա ակնհայտ մեղավորն էր: Դրան հետևեց Մակրոնի հայտարարությունը. «ՆԱՏՕ-ի ուղեղը հիվանդ է»:

Մեկնաբանություններ


Համընկնող լուրեր