Խուրման ունի լուրջ հակացուցումներ․ ոչ բոլորին է այն կարելի ուտել          Սեր, խոստովանություն...Խաբված 10 ռուս կանայք, որոնք զոհ են գնացել ադրբեջանցու խոստումներին, հանուն նրա վաճառել ամբողջ ունեցվածքը       ԿԻնը բուժվել է թոքերի քաղցկեղից ախտորոշումից ընդամենը մի քանի ժամ անց    

16 մայիս 2022 15:57

Պարենի և էներգակիրների գների բարձրացում է կանխատեսվում․ ԿԲ նախագահի տեղակալ

Նախորդ տարվա՝ 2021 թվականի դեկտեմբերի դրությամբ, ՀՀ-ում գնաճը կազմել է 7,4 տոկոս, արձանագրվել է 7,2 տոկոս միջին գնաճ։ Իսկ արտաքին տարբեր միջավայրից եկող գնաճային ռիսկերը զսպելու նպատակով տարվա ընթացքում վերաֆինանսավորման տոկոսադրույքը բարձրացել է 4,25-7,75 տոկոս։ Այս մասին ԱԺ ֆինանսավարկային և բյուջետային հարցերի մշտական հանձնաժողովի նիստի ժամանակ ասաց Կենտրոնական բանկի նախագահի տեղակալ Հովհաննես Խաչատրյանը։ Նրա խոսքով՝ 2021 թվականի համար ԿԲ-ն նախատեսում էր 1,5 տոկոս տնտեսական աճ։
Պաշտոնյանն նկատեց, որ հաշվի առնելով արտաքին գործոնները՝ տնտեսական աճի ցուցանիշները փոփոխվել են՝ ավելացել են գնաճային նշումները, արդյունքում ունեցանք 5,7 տոկոս տնտեսական աճ և 7, 4 տոկոս գնաճ։ ԿԲ նախագահի տեղակալի պնդմամբ՝ վարվել է զսպող և խթանող դրամավարկային քաղաքականություն։ Իսկ այս տարվա գնաճային կանխատեսումների մասին Հովհաննես Խաչատրյանը նշեց, որ կանխատեսել են 6,5 տոկոս աճի մակարդակ և 1, 5 տոկոս տնտեսական աճ։
«Հիմնական պատճառը, որը և´ գնաճային է, և´ ինչ-որ չափով տնտեսական աճին նպաստող է, արտաքին միջավայրն է: Մենք ունենք արտաքին պահանջարկի էական աճ: Միջազգային այցելուները ստեղծել են և´ պահանջարկ, և´ գնաճային ճնշումներ են ավելացրել:
Գնաճային ճնշումներ են ավելացել նաև անորոշությունների աճի պայմաններում՝ ռիսկի պրեմիաների էական կտրուկ աճի և միջազգային գների աճի պատճառով, որոնք տեղի ունեցան միջազգային արժեշղթաների կտրուկ խաթարման պատճառով»,- մատնանշեց Խաչատրյանը: ԿԲ ներկայացուցիչն ընդգծեց, որ ԿԲ կանխատեսումը հիմնված է համաշխարհային շուկաների ուսումնասիրությունների վրա, որտեղ ևս առաջիկայում թանկացումներ են կանխատեսվում: «Ինչ վերաբերում է միջազգային գներին, պետք է նշել, որ պարենի գները բարձր մակարդակի վրա են լինելու, էներգակիրներինը՝ ևս։ Կենտրոնական բանկի կանխատեսման սցենարում գնաճը պայմանավորված էր աշխարհաքաղաքական լարվածությամբ»,- ներկայացրեց ԿԲ փոխնախագահը։


Մեկնաբանություններ


Համընկնող լուրեր