Տեսանյութ.Խավարման կարգ` ի հիշատակ Քրիստոսի մատնության և չարչարանքների          Մարտի 29-ին կդադարեցվի հետևյալ հասցեների ջրամատակարարումը       Տեսանյութ.Ավագ Հինգշաբթի՝ Սուրբ Հաղորդության խորհրդի հաստատում, Խորհրդավոր ընթրիք    

30 հուն 2022 17:30

Ինչպե՞ս վերացնել այտուցը, որո՞նք են այտուցի վտանգավոր պատճառները

Էնդոկրինոլոգ Սվետլանա Ուստինովան ասել է, որ այտուցների առաջացման հետեւում կարող են վտանգավոր խանգարումներ թաքնվել, օրինակ՝ երիկամների, սրտի կամ վահանաձեւ գեղձի աշխատանքում, գրում է MedikForum-ը։

Էնդոկրինոլոգը պատմել է, որ այտուցի պատճառ կարող են լինել վտանգավոր պայմանները, մասնավորապես՝ երիկամային անբավարարությունը կամ այդ օրգանի հետ կապված այլ խնդիրներ։

«Երիկամները պատասխանատու են օրգանիզմում ջրի նյութափոխանակության համար, ուստի այս օրգանի աշխատանքի ցանկացած խանգարում այտուցների առաջացման է հանգեցնում»,- նշել է մասնագետը:

Այտուցվածության պատճառ կարող է լինել նաեւ հիպոթիրեոզը՝ վահանաձւե գեղձի ոչ բավարար ակտիվություն եւ հորմոնների ոչ բավարար արտադրություն: Ուստինովան հիշեցրել է, որ հիպոթիրեոզը դանդաղեցնում է նյութափոխանակությունը, եւ այդ պատճառով հեղուկը պահպանվում է օրգանզիմում։ Այդ պաթոլոգիան արտահայտվում է նաեւ անպատճառ քաշի ավելացմամբ, տրամադրության փոփոխությամբ, ապատիայով, հոգնածության ավելացմամբ:

Այտուցը կարող է նաեւ երկարատեւ սթրեսի հետեւանք լինել: Բժիշկը բացատրել է, որ սթրեսային վիճակում ակտիվանում է մակերիկամների գործունեությունը, որոնք արտադրում են կորտիզոլ եւ ալդոստերոն հորմոնները՝ դրանց բարձր մակարդակն օրգանիզմում ազդում է ջրաաղային փոխանակության վրա։

Ուստինովան որպես այտուցի մեկ այլ վտանգավոր պատճառ նշել է ինսուլինառեզիստենտության վիճակը՝ օրգանիզմի բջիջների՝ ինսուլին հորմոնի նկատմամբ զգայունության կորուստ, որը բաշխում է շաքարը: Ինսուլինառեզիստենտությունը հաճախ ցույց է տալիս, որ մարդու մոտ 2-րդ տիպի շաքարախտ է զարգացել:

Բացի այդ, այտուցի հետեւում կարող է թաքնված լինել սրտի անբավարարությունը:
Էնդոկրինոլոգը թվարկել է այտուցների առաջացման ամենատարածված պատճառները.

1. Երիկամների աշխատանքի խափանում. բանն այն է, որ երիկամները մեր օրգանիզմում ջրի նյութափոխանակության համար պատասխանատու հիմնական օրգանն են։ Երիկամների դիսֆունկցիան հեղուկի կուտակման եւ այտուցի է հանգեցնում:

2. Հիպոթիրեոզ. վահանաձեւ գեղձի խնդիրները դանդաղեցնում են նյութափոխանակությունը եւ հեղուկի կուտակում առաջացնում: Բացի այդ, մարդու մոտ թուլություն է առաջանում, նվազում է էմոցիոնալ ֆոնը, քաշի ավելացում է տեղի ունենում։

3. Սպիտակուցի ոչ բավարար քանակություն. սպիտակուցի անբավարարությունը հաճախ աղեստամոքսային տրակտի տարբեր պաթոլոգիաներ է առաջացնում, իսկ սպիտակուցային նյութափոխանակության խախտումն այտուցներ է առաջացնում։

4. Ինսուլինադիմադրություն. ինսուլին հորմոնն ազդում է երիկամների ռինին-անգիոտենզին-ալդոստերոն համակարգի վրա, ինչը հեղուկի կուտակման է հանգեցնում:

5. Քաղցրավենիքի չափից ավելի օգտագործումը. գլյուկոզայի մեկ մոլեկուլը պարունակում է 4 ջրի մոլեկուլ։ Հետեւաբար, ածխաջրերի չարաշահումը հրահրում է այտուցի տեսքը:

6. Կաթնամթերքի չափից ավելի օգտագործումը. կաթնամթերքի չափից ավելի սպառման դեպքում մարսողությունը կարող է խանգարվել, մաշկի վիճակը վատթարանում է, իսկ օրգանիզմում հեղուկի կուտակում է առաջանում: Բացի այդ, կաթնամթերքն ինսուլինի բարձր ինդեքս  ունի, այսինքն՝ նպաստում է ինսուլինի արտադրության ավելացմանը։

7. Վերերիկամային գեղձերի հետ կապված խնդիրներ. Խրոնիկական սթրեսի եւ մակերիկամների աշխատանքի խանգարման հետեւանքով օրգանիզմը սկսում է մեծ քանակությամբ կորտիզոլ եւ ալդոստերոն արտադրել, որոնք ազդում են ջրաաղային փոխանակության վրա եւ հեղուկի կուտակում են հրահրում։

8. Աղի չարաշահում. աղը չարաշահող մարդիկ դժգոհում են արյան բարձր ճնշումից եւ այտուցներից։ Ուստինովան խորհուրդ է տալիս սահմանափակել աղի օրական քանակը 3-4 գրամով։

Մասնագետն ընդգծել է, որ ազատվել այտուցներից անհնար է՝ առանց դրանց առաջացման պատճառը բացահայտելու եւ վերացնելու։ Բացի այդ, այտուցից ազատվելու համար Ուստինովան խորհուրդ է տալիս կարգավորել սննդակարգը, վերականգնել ջրային ռեժիմը եւ ավելացնել ֆիզիկական ակտիվությունը։

Մեկնաբանություններ


Համընկնող լուրեր