Թուրքական լրատվական դաշտում Զախարյանից մեջբերումը՝ Թուրքիայում հանդես գալու մտադրության մասին, կեղծ է, նա ոչ մի մեկնաբանություն չի տվել
Մոսկվայի «Դինամոյի» մամուլի ծառայությունը հերքել է թուրքական լրատվամիջոցների հրապարակումները ռուսական ակումբի եւ Ռուսաստանի հավաքականի 19-ամյա կիսապաշտպան Արսեն Զախարյանի վերաբերյալ։
«Արսեն Զախարյանը ոչ մի մեկնաբանություն չի տվել թուրքական լրատվամիջոցներին եւ թուրք լրագրողներին։ Թուրքական լրատվական դաշտում Զախարյանից մեջբերումը կեղծ է»,- «Դինամոյի» հաղորդագրությունը հրապարակել է ռուսական Sport24-ը։
Ավելի վաղ որոշ թուրքական լրատվամիջոցներ գրել էին, թե Զախարյանը թուրք լրագրողի հետ զրույցում խոսել է Թուրքիայում հանդես գալու մտադրության մասին։
Հայ ֆուտբոլիստին ձեռք բերելու ցանկություն ունի Ստամբուլի «Գալաթասարայը»։ Զախարյանի հրաժարագինը 15 միլիոն եվրո է։