Գիտնականները վախենում են, Անտարկտիդայի վրա օզոնային անցքը սկսել է անոմալ ձևավորվել, ինչը նորմալ երևույթ չէ
Անտարկտիդայի վրա օզոնային անցքը սկսել է անոմալ ձևավորվել այս տարվա սկզբին, հայտնում է The Guardian-ը՝ վկայակոչելով եղանակի կանխատեսումների եվրոպական կենտրոնի արբանյակային տվյալները:Սովորաբար, Անտարկտիդայի վրա մթնոլորտային օզոնային շերտը սկսում է ձևավորվել սեպտեմբերի վերջին, առավելագույնը հասնում է հոկտեմբերին և փակվում նոյեմբերին կամ դեկտեմբերին: Այս տարի օզոնային փոսը սկսել է հայտնվել օգոստոսին։ Գիտնականները վախենում են իրադարձությունների նման զարգացումից։ Նոր Հարավային Ուելսի համալսարանի Կլիմայի փոփոխության հետազոտությունների կենտրոնի դասախոս Մարտին Ջուկերան ասել է, որ սա նորմալ երևույթ չէ։
Եթե պարզվի, որ օզոնային անցքը միջինից մեծ է, դա կարող է հանգեցնել Հարավային օվկիանոսի ջրերի էլ ավելի տաքացմանը, որը ներկայումս ունի ծովային սառույցի ռեկորդային ցածր մակարդակ: Ուլտրամանուշակագույն ճառագայթման ավելացումը կազդի նաև քամիների շարժման վրա, ինչը հետագայում կնպաստի սառույցի ոչնչացմանը։
Անտարկտիդայի օզոնային անցքը հայտնվում է ամեն տարի և առաջանում է ստրատոսֆերային օզոնային շերտի նոսրացման հետևանքով, որը պարունակում է օզոնի մոլեկուլների բարձր կոնցենտրացիան, որոնք կլանում են ուլտրամանուշակագույն ճառագայթումը: Գիտնականները կարծում են, որ երեւույթն առաջացել է մարդկանց կողմից օզոնը քայքայող նյութերի օգտագործման պատճառով։ Նշվում է, որ Էլ Նինյո կլիմայական երևույթի ժամանակ օզոնային անցքի չափը միջինից փոքր է։ Սակայն ներկայումս դրա ձևավորման վրա ազդում են այլ գործոններ, այդ թվում՝ Խաղաղ օվկիանոսում Տոնգա հրաբխի ժայթքման հետևանքները։
