ԱԳՆ փոխնախարարը տեղյակ չէ, թե որտեղ է փախել իր վարորդը, որը ներգրավված է կոռուպցիոն սկանդալի մեջ
Այն պահին, երբ ինքս տեղեկացել եմ նման հնարավոր ապօրինությունների մասին, սեպտեմբերի 14-ին հաղորդում եմ ներկայացրել գլխավոր դատախազություն:Այս մասին լրագրողների հետ զրույցում, անդրադառնալով իր վարորդի կողմից կոռուպցիոն գործարքներ իրականացնելու հանգամանքին, ասաց ԱԳ փոխնախարար Վահան Կոստանյանը:
«Ինքը աշխատանքից ազատվել է սեպտեմբերի 28-ին, բայց սեպտեմբերի 4-ից հետո ինձ չի սպասարկել: Ես վստահ եմ, որ թե՛ ես, թե՛ հանրությունը, կտեղեկանա գործի մասին»,- ասաց նա:
ԱԳՆ փոխնախարարը նաև ասաց, որ տեղյակ չէ, թե որտեղ է փախել իր վարորդը, որը ներգրավված է կոռուպցիոն սկանդալի մեջ։
«Նա իմ վարորդը չէր, այլ ԱԳՆ-ի, որը նախարարությունում աշխատել է նաև մինչև իմ ԱԳ նախարարի տեղակալ նշանակվելը»։
