Արցախում ալյուրի պարկերի խիստ պակաս է զգացվում, խնդրում ենք, ովքեր կարող են ԱՀ ԳԳԱ հիմնադրամին տրամադրել պարկեր, թող դիմեն
Կապված Արցախի լիակատար պաշարման ու դրանից բխող հետևանքների հետ՝ ԱՀ Գյուղի և գյուղատնտեսության աջակցության հիմնադրամում ալյուրի պարկերի խիստ պակաս է զգացվում ,որոնք անհրաժեշտ են աղացած ալյուրը պարկավորելու, հացի արտադրամասեր տեղափոխելու, ինչպես նաև պահեստավորելու համար։Այս մասին հայտարարություն է տարածել ԱՀ Գյուղի և գյուղատնտեսության աջակցության հիմնադրամը։
«Բոլորիս համար այս դժվար պահին հացի արտադրության և ալյուրի պահեստավորման գործընթացը բնականոն հունով կազմակերպելու համար խնդրում և հորդորում ենք` բոլոր այն քաղաքացիները, ովքեր ունեն և կարող են ԱՀ ԳԳԱ հիմնադրամին տրամադրել պարկեր, դիմեն հիմնադրամ կամ զանգահարեն 097 11 66 08 հեռախոսահամարով», - ասված է հայտարարության մեջ։
