Ի՞նչ փոխարժեքներ են սահմանվել այսօր տարադրամի շուկայում          Քերոբյանի խոսքով՝ Փաշինյանը դեռևս օգոստոսին գնացել է քննչական կոմիտե և հրահանգել, որ մեղավորները պատժվեն. «Ժողովուրդ»       Ինչու է Փաշինյանը մեկնում Ֆրանսիա․ «Հրապարակ»    

10 դեկ 2023 18:45

Երաժշտություն կարող եք լսել նաև առողջությունն ամրապնդելու, արագ ապաքինվելու համար

Երաժշտություն կարող եք լսել նաև առողջությունն ամրապնդելու, արագ ապաքինվելու համարԵրաժշտությունը մարդկության յուրահատուկ լեզու է։ Այն առաջնահերթ ներգրավում է զգացմունքների աշխարհը։ Այդ է պատճառը նաև, որ հասկանալի է բոլորին՝ անկախ տարիքից, սեռից, ազգությունից։

Երաժշտությունը պատմում է ինչ-որ բան և այդ կերպ կառավարում էմոցիաները։ Պարզվում է՝ երաժշտությունը ազդեցություն է ունենում ինչպես հոգեկան, այնպես էլ մարմնական վիճակի վրա։ Օրինակ, նվազեցնում է սթրեսը, ամրապնդում՝ իմունիտետը, կանխարգելում՝ դեպրեսիան, նպաստում է աշխատունակության բարելավմանը,  ներգործում է սրտի զարկերի, շնչառության,  տրամադրության վրա։

Հետազոտություններով հաստատվել է, որ երգելու կամ երաժշտություն լսելու ընթացքում հետևյալ հորմոնների՝ դոֆամինի, սերոտոնինի, նորադրենալինի մակարդակը  բարձրանում է։ Իսկ դա նշանակում է, որ երաժշտությունը կարողանում է առաջացնել դրական հուզական այնպիսի վիճակ, որը նպաստավոր է հիվանդությունների զարգացումն արագացնող գործոնների նվազեցման համար։

Հոգեբանության մեջ երաժշտությունն օգտագործվում է որպես թերապևտիկ միջոց և՛ երեխաների, և՛ մեծահասակների հետ աշխատանքում։ Կիրառելի է ինչպես մարմնական, այնպես էլ հոգեկան խնդիրների հաղթահարման ժամանակ։

Օրինակ, հայտնի է, որ հատկապես դասական երաժշտությունը ամրապնդում է հիշողությունը, ակտիվացնում է ուշադրությունը, երևակայությունը, իհարկե, կանոնավոր լսումների դեպքում։ Նաև կան տվյալներ, որ դասական երաժշտությունը ընդունակ է թուլացնել ֆիզիկական ցավը։ Այսպիսով, մարդիկ երաժշտություն կարող են լսել ոչ միայն գեղագիտական ապրումների, այլ նաև առողջությունն ամրապնդելու, արագ ապաքինվելու համար։
Դժվար է պատկերացնել կյանքն առանց երաժշտության:
Հ․գ․թ․, դոցենտ Սոնա Հարությունյան
Hayacq.com

Մեկնաբանություններ


Համընկնող լուրեր