Մենք ցանկանում ենք կարգավորել հարաբերությունները Հայաստանի հետ և շրջել թշնամության էջը          Երկար անկումից հետո դոլարն ու եվրոն թանկացան       Որևէ ծնողին մեկը մոտենա, բոլորիս հետ է գործ ունենալու,եթե 1 ժամից Գարիկ Գալեյանն ազատ չարձակվի, ապա բոլոր ծնողներով ներս են մտնելու շենք    

15 փետ 2020 12:42

Կասկածներ կան, որ կորոնավիրուսի լաբորատոր թեստերը ոչ միշտ են ճիշտ ախտորոշում

Կասկածներ կան, որ կորոնավիրուսի լաբորատոր թեստերը ոչ միշտ են ճիշտ ախտորոշում։ Այս մասին տեղեկացնում է BBC-ն։
Մի շարք երկրներում տեղեկություններ կան, որ մարդիկ մինչև վերջնական ախտորոշվելը թեստերով մինչեւ 6 անգամ բացասական պատասխան են ստացել։
Համաճարակի էպիկենտրոնում՝ Չինաստանի Հուբեյ նահանգում, կորոնավիրուսով մարդկանց թիվը սկսել են հաշվել ոչ թե ըստ թեստերի արդյունքների, այլ՝ ըստ հիվանդության ախտանիշերի։

Արդյունքում, մեկ օրվա ընթացքում գրանցվել է մոտ 15 000 նոր դեպք` այս համաճարակի բոլոր դեպքերի մեկ քառորդը:
Թեստերն աշխատում են հետեւյալ սկզբունքով․ պացիենտից վերցվում է կենսաբանական հեղուկի նմուշ, որից լաբորատոր պայմաններում առանձնացվում է վիրուսի գենետիկ կոդը, եթե այն կա, եւ կնկնօրինակվում է բազմաթիվ օրինակներով, ինչի օգնությամբ վիրուսի նույնիսկ փոքր քանակությունը հայտնաբերվում է։
Այս «RT-PCR» թեստերը բժշկության մեջ լայնորեն կիրառվում են ՄԻԱՎ-ի և գրիպի ախտորոշման համար եւ ունեն բարձր հուսալիություն։
Radiology ամսագրի կատարված ուսումնասիրության արդյունքում պարզվել է, որ 167 հիվանդներից 5 թեստի արդյունքում բացասական պատասխան են ստացել, չնայած այն փաստին, որ թոքերի հետազոտությունը ցույց է տվել կորոնավիրուսային վարակը։ Ավելի ուշ կրկին փորձարկելով թեստը՝ դրական արդյունք է ստացվել։


Մեկնաբանություններ

Համընկնող լուրեր