Մարդը չի կարողացել անգամ արցախցիներին անվտանգ բենզին բաժանել, բայց հիմա խորհուրդ է տալիս Հայաստանին          Տեսանյութ.Արա, դուք վախեցած եք,Ճիշտ եք անում, որ վախենում եք.պահը մոտենում է.ինչ պլանավորել ենք, անելու ենք       Արամ Սարգսյանը՝ առաջիկա շաբաթներին թշնամու հնարավոր հարձակման մասին    

08 ապր 2021 12:16

ՌԴ բնակիչները սկսել են ավելի վատ վերաբերվել միգրանտներին, ինչը վատթարացնում է ազգամիջյան հարաբերությունները

Ռուսաստանի բնակիչները 2020-ի արդյունքներով սկսել են ավելի վատ վերաբերվել միգրանտներին, ինչը վատթարացնում է ազգամիջյան հարաբերությունները, օտարերկրացի շատ երեխաներ Ռուսաստանի կրթական համակարգից դուրս են գտնվում, հինգշաբթի ասել է ՌԴ նախագահի վարչակազմի ղեկավարի տեղակալ Մագոմեդսալամ Մագոմեդովը, փոխանցում է «ՌԻԱ Նովոստի»-ն:
Մագոմեդովը Նովոսիբիրսկում ամենամյա շրջանային սեմինար-հանդիպում է անցկացնում «Ռուսաստանի Դաշնության հիմնադիր սուբյեկտների գործադիր իշխանությունների՝ մինչեւ 2025 թվականը Ռուսաստանի Դաշնության պետական ազգային քաղաքականության ռազմավարության իրականացման պրակտիկայի եւ խնդիրների վերաբերյալ»: ,

«2020 թվականին գրեթե յուրաքանչյուր չորրորդ հարցված բացասական վերաբերմունք է հայտնել միգրանտների նկատմամբ: Ընդ որում, բացասական միտում կա: Այս վերաբերմունքը միայն վատթարանում է. միգրանտների նկատմամբ վատ վերաբերմունք ունեցող մարդկանց թիվն աճել է 7.5 տոկոսով: Այս իրավիճակն էականորեն ազդում է ազգամիջյան հարաբերությունների վիճակի վրա»,- աել է Մագոմեդովը:

Ռուսաստանի Դաշնության նախագահի աշխատակազմի ղեկավարի տեղակալի խոսքով՝ Սիբիրում իրավիճակը նման է համառուսականին. այնտեղ բնակիչների 22.3 տոկոսը բացասական վերաբերմունք ունի միգրանտների նկատմամբ: Նա նշել է որ էթնիկական անկլավերի ձեւավորումը, առաջին հերթին՝ աշխատանքային միգրանտների եւ նրանց ընտանիքի անդամների կազմից, նպաստում է ոչ միայն հասարակության քրեականացմանը, այլեւ պարարտ հող է ստեղծում ազգայնականության, այլատյացության դրսեւորման եւ տեղացիների հետ հակամարտությունների հրահրման համար: 

Նա մեջբերեց նաեւ Ռուսաստանի Դաշնության ՆԳՆ-ի տվյալները, համաձայն որոնց 2020 թվականին Ռուսաստանում գրանցվել է գրեթե 800 հազար անչափահաս օտարերկրյա քաղաքացի, ընդ որում, Ռուսաստանի դպրոցական համակարգում ներառվել է ընդամենը 140 հազար երեխա:

Մեկնաբանություններ


Համընկնող լուրեր