Եթե ռուս խաղաղապահները որոշեն դուրս գալ ԼՂ–ից․ իրատեսակա՞ն է արդյոք Արցախը ՌԴ կազմում ներառելու թեման
Ըստ 2020 թ նոյեմբերի 9–ի եռակողմ հայտարարության` մինչև 2025 թ ռուս խաղաղապահ ուժերի տեղակայումը ԼՂ–ում մի նպատակ ունի, որը արձանագրված է ՌԴ դաշնային ժողովի համապատասխան որոշման մեջ։ Լրագրողների հետ հանդիպմանը հայտարարեց ՀՀ վարչապետ Նիկոլ Փաշինյանը։«Որոշման մեջ ասվում է, որ ՌԴ նախագահին թույլ է տրվում ԼՂ խաղապահներ գործուղել բնակչության զանգվածային զոհվելը կանխարգելելու համար, և սա վերցված է ՌԴ նախագահի` դաշնային ժողովին հղված դիմումում։ Այսինքն, եթե ռուս խաղաղապահները որոշեն դուրս գալ ԼՂ–ից, դա նշանակում է, որ ԼՂ–ում նման վտանգ այլևս չկա։ Եթե կա նման վտանգ, դժվար է պատկերացնել, թե ինչպես է հնարավոր նման որոշում կայացնել` դուրս գալու մասին։ Դա նաև կնշանակի, որ Բաքու–Ստեփանակերտ երկխոսությունը արդյունավետ է եղել, ու կողմերը արձանագրում են, որ խաղաղապահ զորակազմի տեղակայման անհրաժեշտություն չկա»,– հայտարարեց Փաշինյանը։
***
Նիկոլ Փաշինյանը պատասխան չունի այն հարցի վերաբերյալ, թե իրատեսակա՞ն է արդյոք Արցախը ՌԴ կազմում ներառելու թեման։
«Ես ուղղակի արձագանք չունեմ այդ հարցի վերաբերյալ, որովհետև դա ինձ չի վերաբերում։ Ես երբևէ նման քննարկում չեմ ունեցել»,-ասաց Փաշինյանը՝ պատասխանելով հարցին, թե Արցախի Հանրապետության և ՌԴ գործընկերների հետ քննարկե՞լ է Արցախը Ռուսաստանի Դաշնության կազմում ներառելու հարցը, դա իրատեսակա՞ն է՝ հաշվի առնելով ներկա իրողությունները։
«Ես ուղղակի արձագանք չունեմ այդ հարցի վերաբերյալ, որովհետև դա ինձ չի վերաբերում։ Ես երբևէ նման քննարկում չեմ ունեցել»,-ասաց Փաշինյանը՝ պատասխանելով հարցին, թե Արցախի Հանրապետության և ՌԴ գործընկերների հետ քննարկե՞լ է Արցախը Ռուսաստանի Դաշնության կազմում ներառելու հարցը, դա իրատեսակա՞ն է՝ հաշվի առնելով ներկա իրողությունները։
