Կորոնավիրուսի դելտա շտամը վարակիչ է ջրծաղիկի նման, որը մինչ օրս առավել վարակիչ վիրուսային վարակներից մեկն է համարվում
Կորոնավիրուսի դելտա շտամը COVID-19-ի պատճառ է դառնում ավելի ցածր վիրուսային ծանրաբեռնվածության դեպքում, քան Ուհանի տարբերակը: Նման կարծիք է հայտնել Լապինոյի «Մոր եւ մանկան» կլինիկական հիվանդանոցի (Ռուսաստան) մանկաբույժ Անտոն Ռավդինը:«ՌԻԱ Նովոստի»-ին տված հարցազրույցում մասնագետը նշել է, որ դելտա շտամը վարակիչ է ջրծաղիկի նման, որը մինչ օրս առավել վարակիչ վիրուսային վարակներից մեկն է համարվում:
Նոր շտամի հենց ավելի մեծ վարակիչությունն է բացատրում է COVID-19-ով հիվանդների թվի աճը, այդ թվում՝ ծանր ձեւով: Ավելին, երեխաները շատ ավելի հաճախ են սկսել վարակվել նոր շտամով, քան վիրուսի սկզբնական շտամով:
Գիտնականները վարակի վարակիչությունը գնահատում են R0 պարամետրով՝ վերարտադրության հիմնական ինդեքսով: Այն ցույց է տալիս, թե քանի մարդ է վարակում մեկ հիվանդը ոչ վարակիչ պոպուլյացիայում: Այդպես, սեզոնային գրիպի R0-ը միջինում կազմում է 1.6, իսկ 1980 թվականին արմատախիլ արված ջրծաղիկի դեպքում՝ 3.5 -ից 6: Կարմրուկի դեպքում R0 ինդեքսը 15 է:
SARS -CoV-2 կորոնավիրուսի վարակիչությունը համավարակի սկզբում, երբ հիմնականում շրջանառվում էին Ուհանի տարբերակները, գնահատում էին գրիպից մի փոքր ավելի բարձր՝ մոտ 2: SARS եւ MERS վիրուսները՝ համապատասխանաբար 3 եւ 0.5:
Ըստ ԱՄՆ Հիվանդությունների վերահսկման եւ կանխարգելման կենտրոնների՝ կորոնավիրուսի դելտա տարբերակի համար R0-ը 5-ից 9.5 է, որը համեմատելի է ջրծաղիկի հետ (R0 = 9-10):
Ավելին, կորոնավիրուսից մահացությունը շատ ավելի բարձր է, քան գրիպից, բայց համեմատելի է դիֆթերիայից մահացության հետ, կարծում է ԱՊՀ վիրուսաբան Սերգեյ Նետյոսովը:
«Ջրծաղիկից մահացության մակարդակը կազմել է 30 տոկոս, կորոնավիրուսից մահացությունը՝ 3 տոկոս: Եթե համեմատենք գոյություն ունեցող հիվանդությունների հետ, ապա մեծահասակների մոտ դիֆթերիայից մահացությունը 3-ից 10 տոկոս է»,- նշել է գիտնականը:
